The Chronicle of London

Rex Henricus Quartus

1413

Rob't Chicheley, groc', maior.

Will' Reynwell, fysshmong'. Walt' Cotton, m'c'.

This yere the xij day of Octobre, the yere of oure lord a m^{l}ccccxj, there weren in Themyse iij flodes upon a day. Also the same yere the lord Thomas, the kynges sone, was mad duke of Clarence. Also in this yere comen into Engelond ambassatores out of Fraunce fro the duke of Orlyons, to have men over in helpynge hym ayens the duke of Burgoyne before seid in that other yere. And in the comemoracion of seynt Poul, the laste day of Juyn, come prynce Herry, the sone of kyng Herry the forthe, to London, with moche peple of lordes and gentyles: and the kyng lay thanne at seynt Jones hous til the Soneday nest folwynge; and thanne he remeved to the bysshopes paleys of London, and lay there fro Satirday tyl Friday after; and thanne he remeved to Rotherhithe. And prynce Herry lay at the bysshoppes inne of Dorham, fro the seid day of his comynge to towne unto the Moneday nest after the feste of Septem fratrum. And thanne rood Thomas the kynges sone duke of Clarence, and with hym the duke of York, and Beauford thanne erle of Dorset, toward Hampton with a gret retenewe of peple: and on the Tuesday rood the erles brother of Oxenford, and on the Wednesday rood the erle of Oxonford; and they alle lay at Hampton, and aboden the wynde tyl on the Thorsday the firste day of August; the whiche Thorsday, Fryday, and Satyrday, they passed out of the haven the noumbre of xiiij schippes: and on the Soneday they were dreven inne ayeyne with the wynd: and after, on seynt Laurence even and seynt Laurens day, they arreved at Seynt Fasters, faste be Hogges in Normandye. And on the xxiij day of Septembre prynce Herry come to London to the counseyll, with an huge peple. Also in this yere the kyng lete coynen newe nobles; and they were lesse of weyghte than the olde noble be the peys of an half peny weighte; so that be juste weyghte liij nobles, j _d_, and an halpeny weighte, schulde maken a pound weighte of Troye.




Rob't Chicheley, groc', maior.

Will' Reynwell, fysshmong'. Walt' Cotton, m'c'.

This year the 12 day of October, the year of our lord 1411

Back | Index | Next




Crustus an Mors

Web Design and Support
Webbed by Steven Proctor